Burri qëllon me thikë gruan në Malësinë e Madhe

Një 48-vjeçar është arrestuar nga policia e Malësisë së Madhe pasi qëlloi me mjet prerës, bashkëshorten e tij.

Dyshohet se për motive të dobëta, pas një debati në ambientet e banesës, 48-vjeçari ka goditur me thikë bashkëshorten e tij.

Gruaja u transportua në spital, ku po merr kujdesin e nevojshëm jashtë rrezikut për jetën.

Materialet procedurale në nagrkim të 48-vjeçarit i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Pas marrjes së njoftimit, mbrëmjen e djeshme, se një shtetas kishte dëmtuar me mjet prerës, bashkëshorten e tij, në banesën e tyre në fshatin Grizhë, shërbimet e Komisariatit të Policisë Malësi e Madhe kanë organizuar punën dhe kanë mbërritur menjëherë në vendngjarje, me qëllim arrestimin e këtij shtetasi.

Si rezultat, u kap në flagrancë dhe u vu në pranga shtetasi A. Z., 48 vjeç, i cili dyshohet se për motive të dobëta, ka dëmtuar me mjet prerës (thikë), bashkëshorten e tij 38 vjeçe, e cila është jashtë rrezikut për jetën”, thuhet në njoftimin e policisë.