Bushati: Kemi vende të lindjes ish-komuniste të paafta për sisteme demokratike, Shqipëria e para

Sipas raportimeve të fundit, BE nuk u jep garanci vendeve të Ballkanit Perëndimor për anëtarësimin në union dhe për këtë, analisti Andi Bushati tha në emisionin “Shock” se jo domosdoshmërish është faji i BE-së, pasi këto vende nuk kanë arritur të “prodhojnë demokraci”.

Andi Bushati tha se Europa është djegur nga fakti që ka pranuar para kohe vende si Rumania, Bullgaria apo edhe Hungaria dhe nuk do më që “demokraci “iliberale” si këto që prodhon Ballkani apo Evropa Lindore, të shkojnë dhe të kenë të drejtë vetoje në Bruksel”.

Në sipërfaqe duket sikur kemi një Evropë ksenofobe që bie pre e qarqeve të saj nacionaliste, tha Andi Bushati, por në thelb problemi është “lindja ish-komuniste, e paaftë për të prodhuar sisteme demokratike”.

“Shqipëria është shembulli par excellence i kësaj”, theksoi Andi Bushati, shtuar se “Shqipëria kaloi nga autoritarizmi i Berishës te demokratura e Edi Ramës, pa prodhuar dot të një sistem demokratik”.

LEXONI GJITHASHTU:

• BE ‘jo’ Ballkanit Perëndimor, Baton Haxhiu: Çështje ksenofobie si raporti me Turqinë