Buxheti u miratua mes tymit e flakëve/ Berisha: E kaluan për 5 minuta, s’votoi njeri

Ish-kryeministri Sali Berisha foli për mediat pas seancës më të shkurtër ndonjëherë në parlament, ku për 5 minuta u miratua në parim, projektbuxheti i vitit 2024.

Berisha tha se situata e sotme ku për 5 minuta u miratua në parim ligji më i rëndësishëm, dëshmori drejtësinë e betejës pa kthim të opozitës.

Ai tha se edhe këë herë opozita ia arriti qëllimit pasi ndaloi kryeministrin Rama të legjitimonte atë që Berisha e quajti “vjedhja më e madhe në histori”

“Banorët brenda fermës kaluan brenda 5 minutave projektligjin e vitit. E kaluan në frikë dghe tmerrë. Nuk e votoi kurrkush nuk ka asnjë evidencë për votimin, veç cicërimit si papagall të Lindita Nikollës, Kjo dëshmon drejtësinë e betejës pa kthim të opozitës e cila edhe sot korri një fitore të re në betejën e saj të re, pasi u bëri të pamundur hajdutëve të mashtrojnë shqiptarët me vjedhjen e tyre. I bëri të pamundur Edi Ramës të ligjërojë për buxhetin e vjedhjes më të madhe në histori. Beteja pa kthim do vazhdojë”,-tha Berisha.

Seanca e kësaj të hëne u mbyll pak minuta pasi nisi pasi një nga flakadanët shkaktoi flakë në sallën e parlamentit.

LEXONI GJITHASHTU:

• Nis me tensione parlamenti| Ndizen tymuese në sallë, përjashtohet Noka
• Flakë në parlament, maxhoranca miraton me shpejtësi projektbuxhetin. Mbyllet seanca