Tensione në parlament, ndizen tymuese në sallë, përjashtohet Noka

Seanca plenare e kësaj të hëne ka nisur me tensione.

Ndërsa pritej diskutimi i projektbuxhetit, seanca në total zgjati jo më shumë se 5 minuta dhe u votua pa diskutime.

Në sallë u ndezën flakadanë, gjë që çoi dhe një një vatër të vogël zjarri që u shua menjëherë nga Garda. Kryeparlamentarja Lindita Nikolla përjashtoi menjëherë Falmur Nokën i cili qëndronte me një flakadan në dorë, tymi i së cilës mbuloi gjithë sallën.

Kryeministri Edi Rama, i cili ishte i pranishëm qëndroi pa reaguar në pritje të votimit.

Në sallë kishte të bërtitura dhe zhurmë. Vazhdimisht dëgjohej Bardhi i cili i drejtohej kryeparlamentares, Lindita Nikolla duke thirrur, “mashtruese, kush e thirri Gardën”.

LEXONI GJITHASHTU:

• Tensionet në Kosovë, reagimet për paralajmërimin e Zelenskyt
• Garda prova për të parandaluar dhunën në Kuvend, Bardhi publikon foton