Buzhala: Rama në rënie, Berisha rritet ngadalë! Skena po hapet për liderë të rinj

Gazetari Berat Buzhala ishte këtë të mërkurë i ftuar në “Barometri” në Euroneës Albania për të komentuar rreth matjeve të katërta ku qytetarët janë pyetur se cili mendojnë se do të jetë politikani më i përshtatshëm për kryeministër.

Duke komentuar sondazhet, Buzhala tha se tashmë ka një lëvizje nga ata që në matjen e kaluar kanë qenë të pavendosur, ai tha se ndërkohë që Rama ka pësuar rënie, Berisha një rritje të lehtë, skena politike duket se po hapet edhe për tre partitë e reja.

“Pyetja është eksplicite dhe unë pres, kryeministri më i përshtatshëm për të drejtuar vendin. Por përveç Ramës dhe Berishës janë edhe tre politikan që marrin nga diçka, Janë edhe Lapaj, Shehaj dhe Qori”,-tha Buzhala.

Nga matjet e katërta të Barometrit 42 % e qytetarëve thonë se më i përshtatshmi për kryeministër është Edi Rama. Pas tij me radhë 24.1% Sali Berisha, 8.6% Adriatik Lapaj, 7.6% Agron Shehaj, 2.1% Arlind Qori, 1.1% Elena Kocaqi, 1% Tom Doshi dhe 10.6% janë përgjigjur nuk e di.

LEXONI GJITHASHTU:

• Kë do votojnë qytetarët e Tiranës në 11 Maj. Rezultati i Barometrit, matja e dytë
• Barometri/ Ja si do të ndaheshin 37 mandatet e Tiranës, sipas matjes së dytë