Cameron: Ne duhet të përqendrohemi në Ukrainë, pavarësisht ngjarjeve në Lindje

Sekretari i Jashtëm i Mbretërisë së Bashkuar, David Cameron ka thënë se vendi i tij duhet të përqendrohet në Ukrainë, pavarësisht krizës në Lindjen e Mesme.

Sipas mediave të huaja, kjo deklaratë e tij erdhi pasi ai paralajmëroi se Vladimir Putin do të kërkojë më shumë nëse nuk ndalet.

Duke folur për Wilfred Frost të Sky News nga Capitol Hill në SHBA sot, sekretari i jashtëm i Mbretërisë së Bashkuar tha se lufta në Ukrainë është “lufta e brezit tonë” që rrezikon sigurinë në të gjithë kontinentin.

“Ne e dimë se me Putinin nëse nuk e ndaloni këtu, ai do të kërkojë më shumë, dhe armiqtë e Amerikës do të brohorasin,” tha ai.

Lordi Cameron nuk u pajtua se SHBA do të shihej si një aleat “më pak i besueshëm” nëse Kongresi nuk voton në favor të avancimit të një pakete sigurie shumë miliarda dollarëshe për mbështetjen e Ukrainës.

Ai tha se paratë i nevojiten “aq shumë” Kievit, por çështja është “komplikuar nga politika”.

LEXONI GJITHASHTU:

• Biden thirrje Kongresit: Votoni financimin e Ukrainës ose jepini ‘dhuratën’ Putinit
• Ukraina lëshon alarm për sulme ajrore ruse në të gjithë vendin