Caushaj: Ka prova në akt-padi se Rama ka lobuar kundër opozitës

Gazetarja Rezarta Caushaj tha në një intervistë për Euronews Albania se fakti që emri i kryeministrit shqiptar është përmendur i plotë në dosjen kundër ish-zyrtarit të FBI të arrestuar në SHBA tregon se ai është i implikuar në këtë çështje.

Sipas Caushajt, nëse vërtetohet se Rama është i implikuar, pika që prek më shumë Shqipërinë është mundësia e korruptimit të një zyrtari të lartë amerikan për t’u përdorur kundër opozitës, duke iu referuar këtu çështjes së lobimit të Lulzim Bashës.

“Përmendja e emrit në mënyrë të pacensuruar siç mund të bëhej, tregon nga njëra anë një mesazh dhe nga ana tjetër kur kjo çështje të gjykohet emri i kryeministrit shqiptar do të duhet të implikohet pashmangshmërish. Janë dy aspekte kyçe që ne na prekin nëse kemi një implikim të Ramës: në radhë të parë roli i tij në përdorimin e zyrtarit në hapjen e një çështjeje për lobimin e Bashës, dhe këtu pretendohet se kjo është iniciuar në Tiranë. Kjo është kryesorja, se do të thotë që kryeministri i Shqipërisë ka korruptuar zyrtarin amerikan për të goditur opozitën e Shqipërisë”, tha Caushaj.

LEXONI GJITHASHTU:

• Rama të dorëhiqet menjëherë, Berisha: Demokratët të mobilizohen për betejën finale
• Manjani për skandalin me ish-zyrtarin e FBI: Rama do thirret në SHBA për të dëshmuar