Çavusoglu dhe Lavrov diskutojnë marrëveshjen e grurit

Ministrat e Jashtëm turk dhe rus, Mevlut Çavusoglu dhe Sergey Lavrov diskutuan zhvillimet e fundit në lidhje me zgjatjen e marrëveshjes për transportin e grurit përmes Detit të Zi, tha një burim nga Ministria e Jashtme turke.

Shërbimi për shtyp i Kremlinit njoftoi se presidenti Vladimir Putin foli me telefon me presidentin turk Rexhep Tajip Erdogan më herët gjatë ditës së sotme, kur ai e informoi atë për vendimin e Rusisë për të pezulluar pjesëmarrjen në marrëveshjen e grurit, raporton TASS.

“U theksua se regjimi i Kievit, me mbështetjen e patronëve të tij perëndimorë, po përdor korridorin humanitar të anijeve të krijuar për transportin e grurit ukrainas për të kryer sulme kundër infrastrukturës dhe anijeve të flotës ruse të Detit të Zi në Sevastopol, të cilat ishin ngarkuar me sigurimin e funksionimit të sigurt të itinerarit”, thuhet në deklaratë.

LEXONI GJITHASHTU:

• Pasojat e hakmarrjes ruse, çmimi i grurit u rrit pasi Kremlini refuzoi marrëveshjen
• Propozimi i Erdogan për grurin: Të kalojë përmes Bosforit