“Çdo njeri ka të drejtë të krijojë familje”-Gajda tregon çfarë parashikon kushtetuta

Komisioneri për mbrojtjen nga diskriminimi, Robert Gajda tha në “Review” në Euronews Albania se sipas kushtetutës së Shqipërisë martesat e të njëjtës gjini nuk janë të ndaluara.

Duke folur për ceremoninë e “martesës fetare” të zhvilluar këtë të diel në ambientet e Bashkisë së Tiranës, mes dy grave Alba Ahmetaj dhe Edlira Mara, Gajda tha se ligjërisht martesa e tyre nuk ndalohet pasi në kushtetutën tonë nuk ka një parashikim në lidhje me martesën që ta kufizojë atë në lidhje vetëm mes gruas e burrit.

“Nëse do flasim për ligje, ne jemi prapë në një problem deri më tani fals. Ne themi e ndalon ligji, u fol edhe në emër të kushtetutës, por kushtetuta nuk e ndalon. Kushtetuta për të cilën ne flasim sot nuk e ndalon, sepse kushtetuta ia njeh të drejtën kujtdo që të krijojë familje.

Kodi i familjes është bërë në vitin 2003  dhe ai legjislator, në atë mënyrë e ka parashikuar këtë, por kushtetuta nuk e ndalon. Ka vende të tjera më të zhvilluara se ne që e kanë të parashikuar në kushtetutë që martesa është vetëm mes burrit e gruas, ne nuk e kemi këtë”,-tha Gajda.

LEXONI GJITHASHTU:

• “2 gra u martuan te Bashkia e Tiranës”, Malaj: Kundër veprimeve që tejkalojnë ligjin
• “Gratë “u martuan” në bashki”, Ramkaj: E paligjshme që e pranuan zyrat e shtetit!