Celibashi: Në zgjedhjet e 2023 votim elektronik në më shumë bashki

Procesi i votimit dhe numërimit elektronik mund të zgjerohet në disa bashki të mëdha në zgjedhjet vendore të 2023.

Kështu deklaroi në një intervistë për Euronews Albania, Komisioneri Shtetëror i Zgjedhjeve, Ilirjan Celibashi, ndërsa shtoi se ky është një vendim që u takon partive politike.

Celibashi u shpreh se nuk është kundër aplikimit të votimit dhe numërimit elektronik, por shtoi se sipas tij nuk është mënyra dhe mjeti i vetëm për të zgjidhur të gjitha problemet që hasen gjatë procesit zgjedhor në Shqipëri.

“Do ishte mirë që këtë zgjerim të votimit elektronik ta bëjmë gradualisht. E kemi bërë në njësi të vogla në zgjedhjet e shkuara, në 2023 mund ta zgjerojmë në 1-2-3 bashki të mëdha. Por ky proces varet nga vullneti i partive politike duke vlerësuar edhe kostot edhe dobishmërinë. Partitë politike dhe qeveria duhet të vendosin për këtë”, tha Celibashi.

LEXONI GJITHASHTU:

• Celibashi: Ligji njeh Bashën si kryetar të PD-së
• Celibashi: Zgjedhjet e pjesshme do të kushtojnë 180 milionë lekë