Celine Dion nuk dorëzohet, këngëtarja premton një rikthim spektakolar

Pavarësisht sfidave shëndetësore, diva e muzikës Celine Dion po përgatitet për rikthimin spektakolar në skenë vitin e ardhshëm

Sipas mediave të huaja, këngëtarja 57-vjeçare po punon intensivisht për të rikuperuar zërin dhe qëndrueshmërinë, ndërsa burimet e afërta zbulojnë se ajo po përparon më mirë se sa pritej.

“Shëndeti i saj është i mirë dhe po arrin përsëri notat e larta. Ajo vazhdon me fizioterapi dhe ushtrime vokale, dhe njerëzit nuk mund ta besojnë se po shërohet kaq shpejt,” – janë shprehur burimet pranë saj.

Dion u detyrua të anulonte turneun botëror tre vjet më parë për shkak të një çrregullimi të rrallë nervor që shkakton ngurtësi dhe spazma muskulore, duke e bërë të vështirë ecjen.

Edhe pse ka hasur sfida të mëdha personale dhe profesionale, Dion vazhdoi të performojë në ceremoninë e hapjes së Lojërave Olimpike Verore 2024 në Paris, duke dëshmuar forcën dhe vendosmërinë e saj për të mos u dorëzuar.

Këngëtarja kanadeze tani po punon pa u lodhur për të bërë ëndrrën e saj realitet dhe rikthimin në skenë, duke premtuar një vit të ardhshëm plot energji dhe emocione për fansat.

LEXONI GJITHASHTU:

• Motra e Celine Dion flet për sëmundjen e këngëtares: Shpresa është e rëndësishme
• Celine Dion anulon sërish turin botëror, shkak sëmundja e saj e rrallë