Çështja ‘Berisha’ nxit përplasje mes deputetëve të PD-së në Korçë

Deputetët e Partisë Demokratike në Korçë, Edmond Spaho dhe Ervin Salianji janë përplasur sa i takon qëndrimeve të tyre për çështjen ‘Berisha’.

Spaho pretendon se Salianji ka bërë biseda telefonike në të cilat ka sharë atë, andaj përmes faqes së tij në Facebook i është drejtuar duke i kujtuar dhe rastin e Babales.

“Kujdes me fjalët sepse nuk janë si qentë që ju fërshëllen dhe i kthen prapa. Mos shaj në telefon, sepse që kur ndodhi ajo historia me Babalen të gjithë kanë filluar t’i regjistrojnë bisedat. Besoj më kupton ku e kam fjalën,” – shkroi ai.

Deputeti Spaho deklaroi ditën e djeshme se ishte pro Berishës dhe se Partia Demokratike kishte nevojë për një reformim të thellë. Për këtë ai e ndau përgjegjësinë tek drejtuesit e PD-së, duke përfshirë dhe veten ndërsa theksoi se vendmi i tij nuk i imponohet askujt.

“Çdo njëri prej tyre të më kritikojë me argumente, madje ashpër, por pa fyerje dhe denigrime. Fjalën e lirë dhe norma të tjera demokratike po kërkojmë të vendosim në PD,” – u shpreh Spaho.

LEXONI GJITHASHTU: 

• Çështja “Berisha” shkakton debate mes deputetëve dhe Lulzim Bashës
• Sali Berisha thirrje Ramës: Mos luaj me pluralizmin se do kesh fatin e paraardhësve
• Aleanca PD-LSI, Spaho dhe Braimllari: Fillimisht do të kemi analizë të brendshme