Ish-deputeti Myslim Murrizi thotë se skandalet më të mëdha, kryeministrit Edi Rama nuk i kanë ndodhur me anëtarë të Partisë Socialiste.
Në një intervistë për Euronews Albania, Murrizi, teksa iu referua çështjes “McGonigal”, u shpreh se Rama i ka besuar Agron Nezës, pasi ky i fundit ka qenë oficer i sigurimit dhe nëndrejor i kryetarit të parë të Shërbimit Informativ.
“Të gjitha skandalet e mëdha i ndodhin jo me anëtarë të PS-ë. Edhe inceneratorët i ndodhën me dy ish-deputetë të LSI-së. Edhe këtë çështjen e këtij drejtorit të FBI-së kërkon ta shesë, me paturpësinë më të madhe, thotë që Agron Neza është mik i të ndjerit Azem Hajdari. Azem Hajdari ka një çerek shekulli që ka ikur nga kjo botë. Po ti pse je i dashuruar për të bashkëpunuar dhe për të përdorur si sekserë për biznese të pista, njerëz që nuk janë në partinë tënde.
Dorian Duçka ka qenë 4 vjet zëvendësministër i Ramës, në 2013-2017. Është kushëri i parë i Metës, nuk e thotë atë. Është djalë halle me Etilda Gjonajn, djalë teze me Metën. Ky nuk i beson Agron Nezës se është i njohur i Azem Hajdarit dhe ka bërë foto me Sali Berishën. Ky i beson Agron Nezës, se Agroni ka qenë oficer i sigurimit dhe nëndrejor i kryetarit të parë të Shërbimit Informativ. Ky është i lidhur me Sigurimin e Shtetit”, theksoi ai.
