Çfarë duan rusët nga samiti në Alaskë mes Putin-Trump?

“Çfarë duan rusët nga samiti Trump-Putin?” pyet Neil nga Richmond për BBC.

Është e vështirë të kuptosh se çfarë mendojnë në të vërtetë njerëzit që jetojnë në një shtet autoritar, sepse rrallë ndajnë opinionet e tyre reale edhe me të afërmit, e jo më me ata që bëjnë sondazhe. Gjithashtu, në Rusinë e sotme, shumica e sondazherëve të pavarur janë mbyllur, janë detyruar të ikin në mërgim ose janë shpallur “agjentë të huaj”, gjë që kufizon shumë mundësinë e tyre për të operuar hapur.

Organizatat që lidhen me shtetin dominojnë fushën, por rezultatet e tyre mund të jenë të njëanshme. Sociologët e pavarur kanë vërejtur se pyetjet e sondazheve të lidhura me shtetin shpesh janë formuluar në mënyrë që të ndikojnë përgjigjet në favor të narrativave zyrtare. Megjithatë, edhe sondazhet zyrtare tregojnë se lodhja nga lufta po rritet në shoqërinë ruse.

Ndërsa sondazhet zyrtare sugjerojnë se rreth 50% e rusëve mbështesin pushtimin, analistët theksojnë se kjo mbështetje shpesh është e dobët, e shkaktuar nga censura dhe frika. Shumë rusë përpiqen të distancohen nga lufta dhe thjesht pranojnë atë që bën shteti