Çfarë mendojnë shqiptarët, si është një grua e realizuar?

Gruaja në raportet e saj si nënë, është një tjetër koncept në optikën e qytetarëve që është testuar në studimin e fundit të Barometrit në Euronews Albania.

A mendoni se një grua duhet të ketë fëmijë që të konsiderohet e realizuar, apo nuk është e nevojshme?

Janë 57,3 % e të pyeturve që mendojnë se një grua që të quhet e realizuar duhet të ketë fëmijë.

38,6 % e tyre mendojnë se nuk është e domosdoshme, që një grua të ketë një fëmijë për tu konsideruar e realizuar.

Vetëm 4,1 % e të pyeturve nuk kanë një ide të qartë dhe janë përgjigjur “nuk e di” në këtë pyetje të studimit.