Çfarë ndodh me bashkinë e Himarës? Shabani zbulon hapat: Nis nga shkarkimi i Goros

Kreu i Nismës Thurje, Endri Shabani, është shprehur se për të zgjidhur ngërçin në Bashkinë e Himarës, fillimisht duhet të shkarkohet Jorgo Goro nga posti i kryebashkiakut.

Komentet Shabani i bëri në Euronews Albania, ku tha se pas shkarkimit të Goros, i cili ndodhet aktualisht në qeli me urdhër të SPAK, Këshilli Bashkiak duhet të zgjedhë mes dy nënkryetarëve të Bashkisë për të drejtuar këtë institucion deri në mbajtjen e zgjedhjeve të reja.

Shabani tha gjithashtu se nëse nuk zgjidhet asnjë nga nënkryetarët dhe vendi qëndron vakant për 6 muaj, atëherë Këshilli Bashkiak zgjedh një prej anëtarëve të vetë.

“Sipas ligjit për pushtetin vendor, neni 61 kërkon që Goro të shkarkohet dhe Rama duhet ta shkarkojë. Ose të vetëdorëhiqet. Në momentin që ai shkarkohet, Këshilli Bashkiak duhet të zgjedhë mes 2 nënkryetarëve.

Nëse nuk zgjedh asnjë dhe vendi qëndron vakant për 6 muaj, Këshilli Bashkiak zgjedh dikë nga brenda Këshillit. Ky është thelbi. Në zgjedhje do shkohet, por deri në zhvillimin e zgjedhjeve, këto janë rrugët.

Çelësi do të jetë te Këshilli Bashkiak. Rama do të tregojë se nuk është pjesë. Rama nuk ka mbrojtur vetëm Goron, por rastin konkret. Goro po e bënte për një njeri që ish bashkëshorti i ministres”, tha Shabani.

LEXONI GJITHASHTU:

• “Kam firmosur vetëm shkresa përcjellëse”- Zbardhet mbrojtja e Jorgo Goros në GJKKO
• Lihet në burg Jorgo Goro, ndryshon masa e sigurisë për ish-kreun e ASHK Vlorë