Çfarë nuk më pëlqente te Berlusconi, flet ish-ambasadori i Italisë në Shqipëri

Ish-ambasadori i Italisë në Shqipëri, Paolo Foresti komentoi në një intervistë për Euronews Albania figurën e Berlusconit dhe marrëdhënien e tij me të.

Ai tregoi se nuk ndante të njëjtat mendime me ish-kryeministrin, ndërsa shtoi se një pikë që nuk i pëlqente në karakterin e Berlusconit është se ai donte të imponohej.

“Është e vështirë të kaloj në detaje, por ajo që nuk ndaja me të ishte forca e tij për të qenë gjithmonë i pranishëm, për të thënë këndvështrimin e tij të cilin ai rrallë herë e përballte me njerëz të tjerë. Ndodhte herë pas here, por shumë rrallë. Ai ishte aq i bindur për vendimet dhe qasjet e tij sa ishte shumë e vështirë për të gjetur marrëveshje.

Ai e kërkonte dhe marrëveshjen duke kërkuar ndërmarrjen e projekteve të mëdha të cilat sipas tij mund të mbështeteshin edhe nga persona që kishin një këndvështrim tjetër. Problemi qëndronte te shtegu për realizimin e këtyre projekteve ku verifikoheshin dhe ndasitë. Më pas prania e tij në të gjitha fushat e bënte që jo gjithmonë të ishte joshës dhe i pranueshëm për të gjithë. Kjo për mua nuk kishte rëndësi. Ajo që më pëlqente më pak ishte fakti që ai iu imponohej të tjerëve,” – tregoi Foresti.

LEXONI GJITHASHTU:

• Trupi i Berlusconit mbërrin në katedralen e Milanos
• Publikohet fotoja e fundit e Berlusconit para se të ndërronte jetë