Çfarë përmban plani i paqes i SHBA-së që po diskutohet në Moskë?

Pasi versioni i mëparshëm, i njohur si “plani me 28 pika”, shkaktoi shqetësim në Ukrainë dhe tek aleatët e saj në Evropë, lind pyetja: A është propozimi aktual më pak i favorshëm për Rusinë?

Këto ishin disa nga çështjet kryesore që mbetën të paqarta dhe të cilave Presidenti Zelensky iu shmang gjatë konferencës së tij për shtyp në Dublin. Ai deklaroi se nuk ishte ende gati të zbulonte detaje dhe se të gjithë duhet të presin rezultatet e bisedimeve në Moskë.

Megjithatë, disa nga komentet e tij duket se dallojnë dukshëm nga qëndrimet e raportuara më herët të SHBA-së.

Së pari, Presidenti Zelensky theksoi se asgjë nuk duhet të diskutohet, e aq më pak të vendoset për Ukrainën, pa pjesëmarrjen e saj ndërkohë që pikërisht kjo po ndodh tani në Kremlin.

Së dyti, deklaratat e Zelensky-t lidhur me përgjegjësinë e Rusisë për krimet e luftës në Ukrainë dhe përpjekjet për ngritjen e një gjykate për ndjekjen e tyre penale bien ndesh me planin prej 28 pikash, i cili parashikonte amnisti. Nuk është ende e qartë nëse kjo pikë mbetet pjesë e planit aktual.

Së treti, këmbëngulja e Zelensky-t që asetet e ngrira ruse të përdoren për të mbështetur Ukrainën ndryshon dukshëm nga përpjekjet e raportuara të Uashingtonit për të ndihmuar në stabilizimin e ekonomisë ruse.

LEXONI GJITHASHTU:

• Mbahen bisedime për paqe në Moskë, Zelensky: Tani ka mundësi për ta ndalur luftën
• Nis takimi në Moskë mes Putin, Witkoff dhe Jared Kushner (VIDEO)