Çfarë po ndodh mes BE dhe Kurtit? Vetëvendosje sqaron përplasjen: Mesazh Ramës

Deputeti i Lëvizjes Vetëvendosje Adnan Rrustemi ishte këtë të martë i ftuar në një lidhje direkte për emisionin “Now me Erla Mëhillin”, në Euronews Albania për të folur rreth deklaratave të kryeministrit të Kosovës kundër të dërguarit të Bashkimit Europian për dialogun Kosovë-Serbi, Miroslav Lajcak.

Ai theksoi se ky i fundit ka qenë i njëanshëm përsa i përket dialogut mes palëve ndërsa shtoi se kjo gjë e ka dëmtar marrëveshjen mes palëve.

Mes tjerash ai theksoi Kosova është pala më e interesuar për t’u implementuar marrëveshja e Brukselit, duke nënvizuar se  nuk kanë asnjë përplasje me perëndimin.

“Së pari për Kosovën është shumë e rëndësishme që marrëveshja bazë e arritur në shkurt të kërtij viti të implementohet në mënyrë të plotë. Në takimin e fundit më 14 shtator, qeveria e Kosovës ishte pala e vetme që u paraqit me propozim konkret për zbatimin e marrëveshjes. Nga ana tjetër Lajçak ka përvetësuar kërkesën e Serbisë për themelimin paraprakisht asociacionin e komunave serbe, si kushtëzim mbi implementimin e kësaj marrëveshje. Nuk duhet të fokusohet energjia të një pikë që se përmban marrëveshja dhe pse interpretohet ndryshe nga palët. Roli i Lajçak dhe qasja e  tij e gabueshme  në rolin si ka, duke mos qenë objektiv dhe duke qenë i njëanshëm e ka dëmtuar dialogun mes Kosovës dhe Serbisë. Sjellja e tij është individuale dhe nuk përfaqëson të gjithë BE. Nuk jemi në asnjë përplasje me Perëndimin. Kosovën është pala më e interesuar për t’u implementuar marrëveshja e Brukselit. Ne konsiderojmë që në përmbajtje kjo marrëveshje parasheh njohjen de fakto  reciproke të Kosovës. Sjellja e Lajçak duket se për ta gjëja e parë e rëndësishme në këtë marrëveshje është themelimi i asociacionit”- tha ai.

Gjithashtu ai tha se nuk ka informacion për rolin e kreut të qeverisë Edi Rama në këtë çështje.

“Ka qenë sjellja e Lajçak që e ka penguar arritjen e dakordimit mbi planin e sekuencimit mbi implementimin e marrëveshjes së Brukselit. Në anën tjetër përsa kohë që  vazhdon një qasje e tillë e njëanshme dhe nuk e sheh në mënyrë holistike marrëveshjen e Brukselit që garanton palët ose i krijon besimin palëve që kjo marrëveshje realizohet në instancë në tërësi dhe se cila pikë zbatohet do të jetë i pamundur zbatimi i marrëveshjes. Se sa ka koordinim me qeverinë Rama nuk kam informacion, por do doja shumë që të ketë koordinim të vazhdueshëm mes qeverive, kur bëhet fjalë për interesa kombëtare”- shtoi ai.

LEXONI GJITHASHTU: 

• Begaj takim me Përfaqësuesin e Lartë të Komisionit Evropian, Borrell
• “Pse Alternativa s’u bë parti”, Prifti: E nisa me duar në xhepa, s’kishte buxhet