Çfarë po ndodh në Europë? Moti ekstrem, zjarret dhe stuhitë probleme në shumë vende

Temperaturat e larta dhe stuhitë e ngjashme me vjeshtën po shkaktojnë zjarre dhe po përmbytin rrugët e Evropës këtë verë.

Zjarrfikësit në ishullin e Sardenjës luftuan për të vënë nën kontroll një seri vatrash. Përpjekjet e ekuipazheve të emergjencës u ndërlikuan nga një erë e fortë, e njohur si mistral, që frynte në të gjithë Mesdheun. Ndërkohë disa turistë tashmë kanë bërë gati valixhet dhe dëmet po vlerësohen. Të dielën, rreth 600 njerëz u evakuuan në zona të ndryshme të Sardenjës për shkak të zjarreve të shfrenuara që përfshiu rajonet verilindore dhe jugore të ishullit.

Edhe në Portugali zjarrfikësit po luftojnë për të kontrolluar zjarret që kanë përfshirë mijëra hektarë. Rreth 800 zjarrfikës morën pjesë në një zjarr pranë qytetit jugor të Odemiras gjatë natës të së hënës, ku më shumë se 1,400 njerëz duhej të evakuoheshin. Të paktën nëntë zjarrfikës janë lënduar duke shuar zjarret. Temperaturat mbi 40C (104F) pritet të godasin pjesën më të madhe të gadishullit Iberik këtë javë.

Tre zjarre të mëdha që dogjën qindra hektarë në Spanjë gjatë fundjavës janë vënë nën kontroll, por alarmet  mbeten në fuqi në pjesën më të madhe të vendit.

Numri i të vdekurve nga shirat e dendur dhe përmbytjet në Slloveni ka shkuar në 6, ndërsa operacionet e pastrimit vazhdojnë me ndihmën e vendeve fqinje. Kryeministri Robert Golob i ka përshkruar shirat e rrëmbyeshëm dhe përmbytjet si fatkeqësinë më të keqe natyrore që nga pavarësia tre dekada më parë. Sllovenia, një anëtare e BE-së, ka kërkuar ndihmë nga blloku, duke kërkuar veçanërisht makineri të rënda si ekskavatorë për t’u menaxhuar pasojat e përmbytjeve.

Stuhia “Hans” ka prekur  Norvegjinë duke shkaktuar përmbytje.

Dhe, pasi përjetoi një korrik jashtëzakonisht të lagësht, Danimarka vazhdon të përballet me motin që të kujton më shumë vjeshtën sesa verën.

LEXONI GJITHASHTU:

• Skena të pabesueshme të motit, “zbardhen” rrugët në Gjermani
• Italia zbardhet nga bora në gusht, temperaturat -3 gradë celius