Lajmi i fundit | Sport

Champions League/ Dramë në limite, Barcelona përmbys 4-5 Benficën! Zhgënjen Juventus

22 Janar 2025 | 08:11

Në mbrëmjen e shtatë të fazës së grupeve të Ligës së Kampioneve u zhvilluan 9 takimet e radhës.

Atalanta fitoi 5-0 kundër Sturm Graz dhe kaloi zyrtarisht në fazën e play-off ku Berat Gjimshiti luajti në 20 minutat e fundit të ndeshjes së orës 18:45 ndërsa në orën 21:00, Barcelona realizoi një përmbysje dramatike 4-5 ndaj Benficës, me Raphinha që shënoi golin e fitores në shtesë.

Ky ishte një sukses historik për katalanasit, pasi u bënë ekipi i parë që ktheu rezultatin kur ishin pas 2 golave deri në minutën e 75-të.

Barcelona përjetoi një ndeshje të tensionuar kundër Benficës, ku portugezi Pavlidis realizoi një tripletë për vendasit, por nuk mundi të shpëtonte skuadrën e tij nga humbja. Katalanasit reaguan me tre gola të shpejtë, duke fituar 5-4 pas një ndeshjeje të mbushur me emocione dhe spektakël.

Në fund të ndeshjes, pati përleshje mes lojtarëve, me Raphinhën të tensionuar dhe të rrethuar nga forcat e sigurisë.

Liverpool vazhdon formën e shkëlqyer, duke fituar 2-1 kundër Lille dhe duke siguruar kalimin në fazën tjetër si kryesues aktual i tabelës së kalasifikimitduek i fituar të gjitha ndeshjet e deritanishme.

Edhe Atletico Madrid, Bologna, PSV, Liverpool dhe Stuttgart regjistruan fitore, ndërsa Juventus vazhdoi serinë e barazimeve pa gola, këtë herë ndaj Klub Bryzh, ku aktivizohej mesfushori shqiptar Ardon Jashari.

Bologna përmbysi Dortmundin me një fitore 2-1, duke shpresuar ende për një vend në play-off ndërsa në Principatë, Monaco mposhti Aston Villan 1-0 me golin e Singo, duke mbajtur shpresa për kalimin përtej fazës së grupeve.

Të mërkurën do të zhvillohen 9 takime të tjera, duke përcaktuar më tej skuadrat që do të kalojnë në fazën e ardhshme të kompeticionit.

Rezultatet e së martës

Atalanta 5 – 0 Sturm Graz

Monaco 1 – 0 Aston Villa

Atl. Madrid 2 – 1 Bayer Leverkusen

Benfica 4 – 5 Barcelona

Bologna 2 – 1 Dortmund

Club Brugge KV 0 – 0 Juventus

Crvena zvezda 2 – 3 PSV

Liverpool 2 – 1 Lille

Slovan Bratislava 1 – 3 Stuttgart