Seria A| Napoli fiton me përmbysje ndaj Atalantës, Juventus likuidon Milanin

Gara për kreun vijon të jetë interesante në kampionatin italian, aty ku ekipe si Napoli, Atalanta e Interi po garojnë për vendin e parë, teksa një duel i drejtpërdrejt ishte ai i së shtunës në Bergamo. Napoli konfirmoi superformën, ku në 5 ndeshjet e fundit ka vetëm fitore, ndërsa kundërshtari i radhës ishte Atalanta.

Të besuarit e Antonio Contes fituan me përmbysje, pasi vendësit shënuan të parët me Retegui. Politano e McTominay bënë që fraksioni i parë të mbyllej 1-2, ndërsa në të dytin bergamaskët rikthyen baraspeshën me të përhershmin Lookman.

12’ minuta para fundit, sulmuesi belg Romelu Lukaku realizoi me kokë dhe i dha 3 pikë Napolit që qëndron në vendin e parë.

Më herët ishte Juventusi që mori një fitore me shumë vlerë ndaj Milanit, duke i shkaktuar disfatën e parë teknikut Conceicao. Pjesa e parë u mbyll me rrjeta të paprekura, ndërsa në të dytin bardhezinjtë konkretizuan në dy momente, aq sa mjaftuan për marrjen e 3 pikëve. Mbangula e pas tij Weah ishin autorët e golave, me Juventusin që rikthehet kështu te fitorja, e cila ishte e 8-a në 21 javë kampionat.

LEXONI GJITHASHTU:

• Seria A| Humbet Roma, Napoli likujdon Bolonjan, sot radha e Juventusit
• Kristjan Asllani shkëlqen si titullar, Interi rigjen kreun e Seria A me goleadë