Seria A| Humbet Roma, Napoli likujdon Bolonjan, sot radha e Juventusit

Sezonin e shkuar arriti të mbijetojë, duke siguruar qëndrimin dhe për 1 vit në elitën e futbollit Italian, por të fitojë ndaj Romës, nuk është një mision i pamundur për Empolin.

Ashtu si fazën e dytë sezonin e shkuar edhe këtë herë, madje në “Olimpico” arriti të merrte një fitore të madhe. Skuadra e De Rossit pavarësisht merkatos duket se nuk është në 100% e saj, me lojtarët që nuk janë ambjentuar ende. Në kryeqytetin e Italisë, Empoli luajti si i barabartë, duke numëruar 4 pikë pas 2 sfidave.

Gyasi solli avantazhin në fraksionin e parë, e pas tij Colombo me 11 metërsh. Romanët ngushtuan diferencën me Shomurodov, por minutat e mbetura nuk sollën më asgjë. Paralelisht luhej Napoli-Bolonja, ku trajneri Conte rrëmbeu fitoren e parë. Di Lorenzo, Kvaraskhelia e Simeone ishin autorët e golave në triumfin 3-0, i cili erdhi pas një loje të kontrolluar më së miri.

Më herët Atalanta e Gasperinit u mposht në transfertën e Torinos 2-1, Fiorentina barazoi pa gola me Venecian. Këtë të hënë përmbyllet java e dytë e kampionatit Italian me duelet Cagliari-Como dhe Verona-Juventus.

LEXONI GJITHASHTU:

• Merkato| Musiala në planet e Guardiolës, Chiesa këmbëngul për largimin nga Juventus
• Dilema që “çmendi” Parisin, debati mbi boksieren algjeriane: Burrë apo grua?