Merkato| Musiala në planet e Guardiolës, Chiesa këmbëngul për largimin nga Juventus

Merkato e transferimeve vijon e qetë me klubet e mëdha evropiane që duket se nuk kanë ndërmend të shpenzojnë shumë para, megjithse ka ende kohë deri në mbyllje.

Lëvizjet kanë qenë të pakta, por madje dhe në vlera të ulëta, por kur vjen puna tek rekordet Manchester City është aty, i gatshëm për të afruar këdo që Guardiola dëshiron, pa u interesuar aspak mbi vlerën e tij. Aktualisht spanjolli synon afrimin e Jamal Musiala, lojtarit më të vlefshëm të Bayernit të Mynihut, që e kalon vlerën e 100 mln eurove.

21-vjecari është një synim jo i ri për cityzens, të cilët kanë shfaqur interes herë pas here për lojtarin, por pak gjasa ka të ketë një akord mes palëve. Një tjetër yll që preferohet së tepërmi është Federico Chiesa, që i ka bërë të qartë Juventusit se qëndrimit të tij në Torino i ka ardhur fundi. Italiani dëshiron një ekip të madh për të vijuar karrierën, por duket se deri më tani në garë janë italianët si Napoli e Roma. Këta të fundit po konsolidohen së tepërmi dhe synojnë të renditen në vendet e para sezonin e ri.

Në Itali një rikthim me rëndësi ishte ai i Nikolo Zaniolos tek Atalanta. Mesfushori është huazuar nga Galatasaray për herë të dytë, pasi fillimisht u bë pjesë e Aston Villas e tani në Bergamo. Kontrata mes palëve është huazim me të drejtë blerje, për një vlerë 17 mln euro.

LEXONI GJITHASHTU:

• Dilema që “çmendi” Parisin, debati mbi boksieren algjeriane: Burrë apo grua?
• Panik gjatë Lojërave Olimpike, notarja shembet pa ndjenja në fund të garës