Champions League për femra, Vllaznia mposhtet nga Chelsea

Ekipi i Vllaznisë për femrat, luajti ndeshjen e radhës në Champions League, ku priti në transfertë vajzat e Chelsea.

Ndryshe nga ndeshja e parë mes dy skuadrave, ndeshja e zhvilluar në ‘Loro Boriçi’ tregoi një formë të mirë fizike dhe teknike të futbollisteve shkodrane, pavarësisht humbjes.

Ndeshja përfundoi 0–4 për skuadrën londineze. Në përfundim të ndeshjes trajneri Nikolin Leka u shpreh i kënaqur me lojën e zhvilluar nga kampionet e Shqipërisë.

“Si shkoi loja sot, shpresonim që rezultati të ishte më i ngushtë. Megjithatë, duke parë disnivelet midis ekipeve, është normale që të humbësh. Është e parashikueshme ajo pjesë, por në përgjithësi unë jam i kënaqur me lojën që bënë vajzat, sidomos në fazën defensive. Ne e kemi thënë gjithmonë që jemi ekip i ri. Nuk mund të pretendojmë më tepër dhe gjithë këto ndeshje janë eksperiencë. Megjithatë, them që nga ndeshja në Londër me Çelsin, ne kemi rregulluar shumë pjesë ku çalonte ekipi. Kemi luajtur mirë taktikisht. Unë jam i kënaqur dhe i falënderoj shumë ato vajza”, tha Leka.

Për menaxheren e Chelsea, Ema Hayes, kualifikimi në fazën e ¼ vjen i plotë tashmë, pasi kanë mësuar nga gabimet e tyre të mëparshme.

LEXONI GJITHASHTU:

• Vllaznia – Çelsea, Kupa e Kampionëve zbret sot në Loro Boriçi
• Vllaznia me sytë drejt kreut, Josa: Duhet më tepër personalitet