Çifti trans presin fëmijën e parë, rasti i parë në Indi

Një çift trans në shtetin jugor Kerala të Indisë po presin fëmijën e tyre të parë, në rastin e parë të këtij lloji në vend.

Në një postim në Instagram, Ziya Paval, një balerin, njoftoi se partneri i saj, Zahhad, tani është shtatzënë në muajin e tetë.

“Ne jemi gati të realizojmë ëndrrën time për t’u bërë nënë dhe ëndrrën e tij për t’u bërë baba. Një fetus tetë muajsh është tani në barkun (Zahhadit)”- tha ajo.

Sipas çiftit, të cilët prej tre vitesh jetonin së bashku në Kozhikode, të dy po i nënshtroheshin terapisë hormonale, por vendosën ta ndërpresin trajtimin në mënyrë që të kenë një fëmijë.

“Kur filluam të jetonim së bashku tre vjet më parë, menduam se jeta jonë duhet të ishte e ndryshme nga transgjinorët e tjerë.

Shumica e çifteve transgjinore bojkotohen nga shoqëria si dhe nga familjet e tyre. Ne donim një fëmijë, në mënyrë që të lëmë pas diçka nga vetja edhe pasi ditët tona në këtë botë të jenë të numëruara”, citohet të ketë thënë një prej tyre për The Indian Express.

LEXONI GJITHASHTU:

• “Ndahu nga gruaja, rri me mua”/ Psikologia: Pse Guerriero u zhgënjye nga McGonigal
• Mjeti me përmasa jo normale niset drejt Elbasanit, policia apel shoferëve