Cili vend i BE-së është prodhuesi më i madh i biçikletave?

Holanda dhe Danimarka janë dy vendet që kanë përdorimin më të lartë dhe të sigurt të biçikletave në Bashkimin Evropian.

Por, kur vjen puna për prodhimin e dyrrotakut këto dy vende nuk janë në listën e vendeve kryesore.

Në vitin 2019 në të gjitha vendet e Bashkimit Evropian janë prodhuar 11.4 milionë biçikleta, duke shënuar një rritje me 5% në krahasim me një vit më parë.

Mes vendeve të BE-së, Portugalia ishte prodhuesja më e madhe me 2.7 milionë biçikleta, e ndjekur nga Italia me 2.1 milionë dhe Gjermania me 1.5 milionë.

Holanda është e pesta me 0.7 milionë biçikleta të prodhuara vitin e kaluar, pas Polonisë që është në vendin e katërt me 0.9 milionë.

Së bashku, të pesë këto vende përbëjnë 70% të prodhimit të biçikletave gjatë vitit 2019, thuhet në të dhënat zyrtare të publikuara nga Eurostat.