Çipa: Mes PL dhe PD raport konkurrimi, aksioni i opozitës në kohën e duhur

Kreu i Unionit të Gazetarëve, Aleksandër Çipa, në një intervistë për Euronews Albania është shprehur se mes Partisë së Lirisë dhe Partisë Demokratike ka një raport konkurrimi.

Në një intervistë për Euronews Albania, Çipa theksoi se aksioni politik i opozitës është në kohën e duhur, pasi jemi pak para zgjedhjeve vendore.

“Mendoj se kalimi në aksionin politik të protestave duket se ka dy vlera, së pari një vlerë për gjendjen e opozitës dhe konkurrimit të brendshëm të saj dhe çështja tjetër përballja që ka të bëjë me përballjen e shumicës politike. Hedhja në aksionin politik të opozitës është në kohën e duhur, sepse jemi para zgjedhjeve elektorale.  Mendoj se ekziston raporti i një konkurrimi të brendshëm mes PL dhe PD-së.”- u shpreh ai.

Çipa më tej nënvizoi se procesi i krizës së brendshme të PD-së po merr kohë më shumë se sa duhet ndërsa shtoi se ngërçi brenda kësaj partie nuk zgjidhet vetëm me një vendim gjykate.

LEXONI GJITHASHTU: 

• Protestë te inceneratori i Tiranës pa PD? Flet ish-deputetja e Partisë së Lirisë