Çmimet e banesave në Bashkimin Europian janë rritur me vetëm 1.7 për qind në krahasim me vitin e kaluar, pavarësisht shtrenjtimit të lëndëve të para dhe krizës së energjisë.
Në Shqipëri, nga viti në vit çmimet në të njëjtin sektor u rritën me 39 për qind në të gjithë vendin dhe 40 për qind vetëm në Tiranë.
Çmimet e qirave në BE u rritën me 18 për qind nga viti në vit. Në Tiranë, rritja nga raportimet e agjencive imobilare, rritja ka qenë 30 deri në 50 për qind në varësi të zonave. Në krahasim me 2019, çmimet e qirasë thuajse janë dyfishuar.
Vendet e BE që raportojnë rritjen më të lartë janë ato balltike, të varura direkte nga lëndët e para nga Rusia dhe Ukrainë, ndërsa Italia, Greqia dhe Qipro raportuan rënie si të çmimeve për banesat, ashtu edhe për qiratë.
Arsyeja lidhet me rënien e kërkesës. Në shumë vende të unionit, kriza e çmimeve ka reduktuar kërkesën për blerjen e banesave. Në Shqipëri, ndërtuesit kanë raportuar edhe për këtë vit kërkesë në rritje.
Kjo u pa edhe në anketën e shtatorit të INSTAT për treguesit e ndjesisë ekonomike. Sipas anketës, treguesi i besimit mes ndërtuesve ra me mbi 5 për qind. Megjithatë, ndërtuesit ishin optimistë sa u takon kontratë-porosive për shitjen e banesave.
LEXONI GJITHASHTU:
- “Kosova e pavarur”, Shaip Kamberi: Deputetët serbë kërkojnë arrestimin tim
- Çmimet e kripura për banesat, eksperti: Ka pastrim parash në ndërtim
- Deri në 5 mijë euro m² në qendër të Tiranës e ish-Bllok, rriten çmimet në ndërtim
