Costa: BE shumë afër marrëveshjes për financimin e Ukrainës me asetet ruse

Kreu i Këshillit të BE-së, ka deklaruar se blloku është pranë miratimit të përdorimit të aseteve të ngrira ruse për të financuar Ukrainën.

Kjo vjen pasi liderët e shtatë shteteve anëtare i dërguan një letër Costas dhe Presidentes së Komisionit Evropian, Ursula von der Leyen, të hënën, duke i nxitur që BE-ja të “veprojë shpejt” me këto plane.

Liderët e BE-së, të cilët premtuan të mbështesin financiarisht Kievin për dy vitet e ardhshme në tetor, pritet të marrin vendimin përfundimtar mbi propozimet në një samit në Bruksel më 18 dhjetor.

 “Tani po punojmë për përsosjen e zgjidhjes ligjore dhe teknike që mund të sigurojë marrëveshjen e të paktën një shumice të kualifikuar të shteteve anëtare. Mendoj se jemi shumë afër arritjes së një zgjidhjeje. Për mua, është e sigurt se më 18 dhjetor do të marrim një vendim. Por, siç ndava me kolegët e mi, nëse është e nevojshme, do të vazhdojmë më 19 ose 20 dhjetor, deri sa të arrijmë një përfundim pozitiv”, u shpreh ai.

LEXONI GJITHASHTU:

• Lavrov: Rusia nuk do luftë, por do veprojë nëse forcat evropiane vendosen në Ukrainë
• Kina dhe Rusia patrullojnë bashkë pranë Japonisë, tensionet Tokio-Pekin rriten