Infektologu nga Kosova Valbon Krasniqi në një lidhje live me Ilva Now foli rreth situatës së COVID-19 në Kosovë dhe si po e përballojnë këtë situatë bluzat e bardha atje.

Teksa bëri me dije se aktualisht në Kosovë janë 108 raste të personave të prekur me COVID-19 nga të cilët 40 të shtruar në klinikën infektive, 6 prej tyre në gjendje më të rënduar, theskoi se pika më e fortë e shëndetësisë në Kosovë për përballimin e kësaj situate është komunikimi i hershëm me publikun.

“Tek ne janë marra strikte që në fillim të epidemisë. Ne i kemi mbyllur shkollat një ditë përpara se të konfirmohej zyrtarisht rasti i parë dhe masat e tjera të kufizimit të lëvizjes kanë ardhur duke u shtrënguar. Nuk kemi aplikuar bërjen e shumë testeve, por mendojmë se gjurmimi dhe karantimi i kontakeve të të prekurve ëshhtë shumë e rëndësishme”, tha mjeku.