Çuçi në Romë: Akademia shqiptare e Sigurisë do të binjakëzohet me akademinë italiane

Ministri i Brendshëm, Bledi Çuçi, ndodhet në Romë për një vizitë zyrtare ku është takuar me homologun italian, Matteo Piantedosi.

Çuçi u shpreh se do të nënshkruhet një marrëveshje binjakëzimi mes Akademisë së Sigurisë në vendin tonë dhe akademisë italiane të formimit të punonjësve të policisë. Ky zhvillim thekson ministri Çuçi, është një projekt shumë premtues për të rritur profesionalisht trupën tonë policore.

“Diskutuam gjithashtu për forcimin e bashkëpunimit në luftën kundër krimit të organizuar, trafikut të drogës, kontrabandimit të klandestinëve dhe sigurinë kibernetike. E falënderova në mënyrë të veçantë për mbështetjen e vijueshme e të pakushtëzuar që Italia i ka dhënë Shqipërisë në rrugën e pakthyeshme të integrimit në BE”, shprehet ministri i Brendshëm, Bledi Çuçi.

LEXONI GJITHASHTU:

• Bledi Çuçi mesazh në 110 vjetorin e Policisë së Shtetit: Respekt dëshmorëve
• Të kujt janë 404 mijë euro? Bledi Çuçi pyetet për Alda Klosin