Çuçi: Shqipëria ka mbështetur dhe do të mbështesë popullin e qeverinë e Kosovës

Kryetari i Grupit Parlamentar të PS, Bledi Çuçi në fjalën e tij në Kuvend tha se PS do të votojë rezolutën për dënimin e Serbisë për sulmin në Veri.

Ai theksoi se Shqipëria dhe PS kanë mbështetur dhe do të mbështesin popullin e Kosovës dhe qeverinë e saj.

“Rezoluta e Kuvendit të Shqipërisë, lidhur me këtë sulm terrorist që do e miratojmë sot, është konfirmim i përkrahjes së plotë dhe të palëkundur të Kuvendit të Shqipërisë për popullin e Kosovës dhe qeverinë e saj dhe nuk ka si të ndodh ndryshe. PS dhe shqiptarët kanë qenë dhe  janë gjithmonë në krah të vëllezërve dhe motrave në Kosovë ashtu siç në vitin 1990”-tha ai.

LEXONI GJITHASHTU: 

• Presidenti Izraelit: Ne do të përdorim një grusht të hekurt
• Shtyhet ndeshja kualifikuese mes Kosovës dhe Izraelit