‘Çuçin do e shkarkoja për 4 minuta’, Berisha në protestë: Rama s’ka ndjeshmëri

Kryetari i Partisë Demokratike, Sali Berisha i është bashkuar protestës për vdekjen e 7-vjeçares, e cila po zhvillohet para godinës së Ministrisë së Brendshme.

Berisha u shpreh se kryemninistri Edi Rama nuk ka ndjeshmëri për ngjarje të tilla, teksa shtoi se po të ishte në vend të tij, do e shkarkonte brenda 4 minutash ministrin e Brendshëm, Bledi Çuçi.

“Ai këtë bëri sepse natyrisht i pavendosur që të mos reflektojë, të mos dëshmojë as minimumin e përgjegjësisë dhe të ndjenjave për këtë zhvillim dramatik, atëherë vendosi të polizitojë në shkallë ekstreme.

Kjo vogëlushe u blua nga skafi i njeriut të qeverisë, në një distancë 2 metra nga bregu, vend ku skafi nuk mund të shkonte kurrë, përveçse skafit të qeverisë. Nëse Çuçi nuk do ikte për 3 minuta, në të 4-ën do ta shkarkoja unë, edhe ministren e Turizmit”, theksoi kryedemokrati.

LEXONI GJITHASHTU

• Perplasje në protestën para Ministrisë se Brendshme, kërkohet dorëheqja e Çuçit
• ‘Faji është i shtetit’, qytetarë me fëmijët e tyre në protestën për 7-vjeçaren
• LIVE | Nis protesta për vdekjen e 7-vjeçares, qytetarët para Ministrisë së Brendshme