Ministri i Punëve të Jashtme të Serbisë, Ivica Daçiç deklaroi se nuk është e sigurt nëse çështja e pranimit të Kosovës në Këshillin e Evropës do të jetë në agjendën e takimit të kësaj jave të Komitetit të Ministrave të këtij institucioni.

Në një intervistë për Euronews Serbia, ai vuri në dukje se Irlanda mund ta ngrejë çështjen dhe tha se Beogradi duhet të zhvillojë aktivitete më të forta diplomatike.

“Kosova ka paraqitur kërkesë për anëtarësim, por ajo kërkesë nuk është aktivizuar derisa Komisioni ta dërgojë për mendim në Asamblenë Parlamentare të Këshillit të Evropës.

Javët e fundit procesi është përshpejtuar sepse kjo është seanca e fundit që Irlanda do të kryesojë dhe Irlanda thuhet se u ka premtuar përfaqësuesve të Prishtinës se do t’i ndihmojë që ta dërgojnë atë në asamblenë parlamentare të KiE”, tha ai.

Megjithatë, sipas tij, i gjithë procesi mund të vonojë, sepse Asamblesë i duhet kohë për të dalë me mendimin e tij dhe në disa raste ka zgjatur edhe me vite.

LEXONI GJITHASHTU

• Tronditet Kosova, kërcënon Beogradi| Pse u vendos ushtria në Mitrovicë?
• Ushtria serbe në gjendje gatishmërie, pas vendimit të qeverisë së Kosovës për targat
• Price: I kërkuam Kosovës shtyrjen e plotë e jo të pjesshme të vendimit për targat