Daçiç: Qëndrimi i Serbisë është i qartë, duam të vazhdojë dialogu për Kosovën

Ministri serb i Punëve të Jashtme, Ivica Daçiç tha se qëndrimi zyrtar i Serbisë në lidhje me propozimin franko-gjerman për zgjidhjen e çështjes së Kosovës është shumë i qartë dhe i përgjegjshëm.

Daçiç u shpreh se Serbia dëshiron që dialogu të vazhdojë, të marrë pjesë në të dhe se e gjithë kjo duhet të diskutohet në bazat e këtij plani, shkruan N1.

Duke iu përgjigjur pyetjeve të gazetarëve në Beograd, Daçiç tha se presidenti i Serbisë, Aleksandër Vuçiç, ka thënë qartë se cilat janë vijat e kuqe, pra çfarë është e papranueshme për Serbinë dhe kjo është anëtarësimi i Kosovës në Kombet e Bashkuara.

“Është shumë e rëndësishme sepse kam pasur rastin të dëgjoj vlerësimet në Bruksel se Vuçiç është sjellë në mënyrë konstruktive dhe të përgjegjshme, ndryshe nga Prishtina dhe mendoj se është shumë e rëndësishme, që ne të përpiqemi të ruajmë interesat tona shtetërore dhe kombëtare, por edhe ta ruajmë Serbinë nga kërcënimet e ndryshme, shantazhet, sanksionet e mundshme dhe gjithçka që mund të kërcënojë të ardhmen e qytetarëve të Serbisë”, theksoi ai.

LEXONI GJITHASHTU

• Kurti: Nuk jam ftuar në takimin e Ambasadës së SHBA-ve për Asociacionin
• “Kërkojnë Asociacion një-etnik’, Kurti flet pas darkës me zyrtarin e BE, Lajçak
• Kurti pranon asosacionin? Lajçak: Asnjë model që s’ka funksionuar, nuk do aplikohet