Kurti pranon asosacionin? Lajçak: Asnjë model që s’ka funksionuar, nuk do aplikohet

Ramë dakord që të zbatohen të gjitha marrëveshjet e kaluara mes Kosovës dhe Serbisë  ka thëne mbrëmë, Miroslav Lajçak pas darkës me kryeministrin Albin Kurti dhe zëvendësin e tij, Besnik Bislimi, pa e specifikuar nëse është dhe asocacioni pjesë e kësaj dakordësie.

Në një interviste për Klan Kosoven Lajcak tha se Kosova ka rolin e barabartë në dialog si Serbia, dhe se janë partnerë të barabartë, “që i bie ajo çfarë do të jetë do të hartohet nga ju dhe dakordohet nga ju”, duke iu referuar asocacionit.

“Nuk do të shkruani diçka me të cilën nuk do të pajtoheni. Pika e dytë është se ka modele ekzistuese modele evropiane funksionale. Unë kam 15 analiza të mbrojtjes së pakicave në tryezën time në Bruksel. Disa prej këtyre modeleve ndoshta s’keni dëgjuar për to. Asnjë nga to nuk ka shkaktuar jofunksionalitet ku zbatohet . Kosova e ka dërguar aplikacionin për KiE. KiE ka një kornizë të shkëlqyer ligjore për ta adresua këtë çështje. Mos u frikësoni nga diçka që ju do ta hartoni, kjo është çfarë dua të them. Po humbim shumë kohë, duke biseduar për diçka që nuk ekziston dhe për diçka që ju do të jeni bashkëautor.

Lajcak la të kuptohet se bashkësia ndërkombëtare ka mësuar nga modelet e mëparshme të aplikuara në Ballkan. Edhe pse ai nuk e theksoi, një nga problematikat është shembulli i Bosnje Hercegovinës e njohur si Republika Srpska, gjë të cilës i druhet Kosova.

“Mendoj që bashkësia ndërkombëtare ka bërë këto gabime në të kaluarën në Ballkan, me daljen e sugjerimeve që nuk ishin testuar në vende tjera. Jo të gjitha kanë funksionuar mirë në Ballkan. Filozofia ime është ta afrojmë rajonin më shumë me BE-në. Të sigurohemi që çdo gjë që propozojmë bazohet në modelet ekzistuese dhe që funksionojnë mirë”, tha Miroslav Lajçak.

LEXO GJITHASHTU:

• Dita e Përkujtimit të Holokaustit, Kuvendi mban seancën e posaçme
• Gashi: Kurti nuk ka faj për marrëveshjet e nënshkruara nga Thaçi e Mustafa