Danimarka dërgon pajisje ushtarake në Kiev para ofensivës së pranverës

Danimarka po i jep Ukrainës një paketë pajisjesh ushtarake përderisa Kievi po përgatit një ofensivë për të rimarrë tokën e pushtuar nga Rusia.

Paketa, me vlerë 1.7 miliardë korona daneze (250 milionë dollarë), përfshin automjete të çminimit , municione dhe para për prokurimin e pajisjeve të mbrojtjes ajrore, sipas Ministrisë Daneze të Mbrojtjes.

Paketa synon të forcojë aftësinë e Ukrainës për të kryer një ofensivë në muajt e ardhshëm, tha ministria në deklaratën e saj.

Kjo është paketa më e madhe që i është dhënë Ukrainës nga një anëtar skandinav i BE-së që nga fillimi i luftës.

Danimarka e ka mbështetur vazhdimisht Ukrainën, duke ofruar ndihmë ushtarake dhe financiare që kur Kremlini nisi pushtimin e tij të plotë në shkurt 2022.

Danimarka gjithashtu planifikon t’i ofrojë NATO-s një batalion me 700 deri në 1.200 ushtarë për të mbrojtur shtetet baltike nga mesi i vitit 2024, thanë përfaqësues të qeverisë daneze.

LEXONI GJITHASHTU:

• E rëndë| 18-vjeçari i vë flakën vetes përballë ambasadës amerikane në Danimarkë
• Norvegjia dhe Danimarka do t’i dorëzojnë Ukrainës 8000 predha artilerie