Danimarka thyen Uellsin e Gareth Bale dhe kualifikohet në çerekfinale të Euro 2020

Kombëtarja e Danimarkës ka fituar në shifrat e thella 0-4 ndaj Uellsit në ndeshjen e vlefshme për fazën e 1/8-ve në Euro 2020.

Pjesa e parë e takimit ishte e luftuar nga të dyja skuadrat, por danezët u shfaqën më kërkues dhe arritën të gjenin rrugën e rrjetës. Sulmuesi Kasper Dolberg në minutën e 27’ shënoi nga distanca dhe më këtë rezultat u mbyll pjesa e parë.

Pjesa e dytë nisi furishëm për skuadrën e Danimarkës, e cila bindi me lojë dhe me qarkullim të topit.

Goli i dytë i sfidës kishte për autor sërish sulmuesin shtatlartë Dolberg, i cili përfitoi pas një gabimi  të mbrojtjes kundërshtare.

Në minutat e fundit të kohës së rregull në skenë doli Joakim Maehle, i cili shënoi golin e tretë për Danimarkën dhe në fund për 0-4 mendoi Martin Braithwaite.

Me triumfin e sotëm danezët janë të parët që kualifikohen në çerekfinale të Euro 2020. Në sfidën e radhës Danimarka do të përballet me njërën nga skuadrat e çiftit Holandë-Republika Çeke.