Dasma e Jeff Bezos dhe Lauren Sanchez, ja çfarë përfshin festa tre-ditore mes luksit

Themeluesi i Amazon Jeff Bezos dhe gazetarja Lauren Sanchez kanë ftuar dhjetëra personazhe VIP, në Venecia këtë javë në dasmën e tyre që do të mbahet për tre ditë

Ndër të ftuarit e parë që kanë mbërritur po ashtu në Venecia janë Ivanka Trump me bashkëshortin e saj Jared Kushner dhe fëmijët e tyre.

Çifti Kushner dhe vizitorët e tjerë do të qëndrojnë në 5 hotelet më luksoz të qytetit të cilët janë rezervuar plotësisht për të pritur 250 persona.

E konsideruar si “Dasma e Shekullit”, festa do të ketë 3 ngjarje të mëdha gjatë 3 ditëve, duke filluar me një festë para dasmës, dasmën kryesore dhe një festë përfundimtare, dhe që do të kushtojë 48 milionë euro.

Darka e parë do të jetë në një ishull të qetë në Venecia të quajtur San Giovanni Evangelista, ku jetojnë normalisht vetëm 11 persona. Vendndodhja është ekskluzive dhe e arritshme vetëm me anijet të cilat tashmë janë rezervuar.

Të ftuarit do të ulen në tavolina të gjata në një vresht. Më pas, do të ketë një pritje në mbrëmje për të gjithë të ftuarit në manastiret e rrethuara me mure të La Madonna dell’Orto.

Sipas mediave të huaja se nusja do ta ndryshojë veshjen e saj plot 27 herë.

Të premten, çifti pritet të shkëmbejë unazat e tyre në ishullin e San Giorgio në hyrje të Kanalit të Madh. Do të ketë fishekzjarre dhe një performancë nga Matteo Bocelli, djali i tenorit të famshëm Andrea Bocelli.

Festa më pas do të mbahet në një ndërtesë historike prej guri dhe tullash në brigjet e pellgut kryesor, pranë një nëndetëseje të Luftës së Dytë Botërore.

Pas dasmës, çifti do të lundrojë për në Taormina, Siçili, për t’u çlodhur në Pallatin San Domenico.

Ajo që bëhet e ditur është se një marrëveshje financiare do nënshkruhet midis shefit të Amazon, Jeff Bezos, 61 vjeç dhe të dashurës së tij Lauren Sanchez por detajet janë ende sekrete.

LEXONI GJITHASHTU:

• Zjarr në zonën e banuar bregdetare në Greqi, evakuohen banorët
• Bankat kanë dhënë 4 mld euro kredi për blerje banese ose pasuri të paluajtshme