Dauti: Shqiptarët kontrollojnë tregun e marijuanës në Britani, eliminuan rivalët

Gazetari Daut Dauti thotë se shqiptarët kontrollojnë tregun e marijuanës në Britaninë e Madhe.

Në një intervistë për “Euronews Albania”, Dauti u shpreh se shqiptarët kanë eleminuar rivalet e tyrë, që më parë kanë qenë vietnamezët.

“Shqiptarët e kontrollojnë tregun, veçanërisht atë të marijuanës siç shihet edhe në mediat britanike. E kontrollojnë në tërësi pasi kanë eleminuar edhe konkurrencën e tyre, që më herët kanë qenë vietnamezët. Është krijuar një bazë dhe frikë se çfarë do ndodhë me emgirantët që do vijnë”, theksoi ai.

Media prestigjoze britanike, The Guardian ka publikuar së fundmi një artikull për emigrantët shqiptarë ilegalë, të cilët shkojnë me varka të vogla apo gomone në Britaninë e Madhe, një pjesë e të cilëve kërkojnë edhe azil.

Vëmendja e autoriteteve britanike është shtuar për shkak se 2,165 shqiptarë mbërritën në Britaninë e Madhe midis janarit dhe qershorit të këtij viti, ndërsa në të njëjtën periudhën të një viti më parë, ky numër ishte 23.

“The Guardian” nënvizon se shqiptarët kryesojnë në drejtimin e bandave të drogës në këtë shtet.

LEXONI GJITHASHTU

• 1300 emigrantë në javë në Angli, aktivistja: Shqiptarët shihen si banda kriminale
• Në gomone edhe fëmijë, i riu nga Hasi tregon kalvarin e rrezikshëm përmes La Manshit
• Ekskluzive| I riu nga Hasi: Pagova 5 mijë € për të shkuar në Angli, isha i pashpresë