Debate tek Komisioni i Ligjeve, deputetëve demokratë nuk u jepet fjala pasi u paraqitën fizikisht

Mbledhja e parë e Komisionit të Ligjeve ka nisur me debate mes deputetëve të PD-së dhe kryetares së komisionit, Klotilda Ferhati.

Shkak i debateve është bërë vendimi i mazhorancës për zhvillimin e mbledhjeve në komisione online.

Deputetët demokratë kanë marrë fizikisht pjesë në mbledhje, por kjo nuk është pranuar nga kryetarja e Komsionit të Ligjeve, Klotilda Ferhati.

Kjo e fundit gjatë një debati që ka pasur në sallë me Sekretarin e Përgjithshëm të PD-së, Gazmend Bardhi, theksoi se do ja japë fjalën çdo deputeti që ka hyrë online në mbledhje.

Vendimi është kundërshtuar nga demokratët, të cilët kërkojnë marrjen e fjalës.

Sakaq, deputetët socialistë kanë marrë pjesë online.

LEXONI GJITHASHTU:

• Nënkryetarja e Komisionit të Ekonomisë: Qeveria të ulë taksat për prodhuesit e bukës, të krijohen rezerva mielli
• Gjykata Kushtetuese publikon pyetjet drejtuar Komisionit të Venecias për zgjedhjet vendore të 30 qershorit
• Zgjedhjet lokale, Kushtetuesja sqaron arsyet pse iu drejtua Komisionit të Venecias