Debati Rama-Basha në Parlament, Bushati: Për hir të fakteve që sollën, e fitoi Lulzim Basha

Kryeministri Rama dhe kreu i PD-së Lulzim Basha kanë debatuar sot në Kuvend, dhe për këtë debat, analisti Andi Bushati tha në “Shock” se e ka fituar Lulzim Basha.

“Debatin sot Rama-Basha në Parlament, për hir të fakteve që sollën, e fitoi Lulzim Basha”, u shpreh Andi Bushati.

Mirëpo sipas Andi Bushatit, Lulzim Basha është i aftë për të evidentuar të metat e qeverisjes së Edi Ramës, por nuk ka mjetet “për të luftuar regjimin”.

Analisti Bushati përmendi se Lulzim Basha ka fituar “debatin për dekriminalizimin, debatin që ministrat e brendshëm të Edi Ramës janë të përfshirë në drogë, që Rama vjedh me koncesione”.

Për analistin, e meta e Lulzim Bashës është në faktin që sipas tij, kreu i PD-së nuk di të përballet.