Deklarata e Kurtit për fjalimin e Ramës, Balla: U dëgjua nga shumica e shqiptarëve

Kryetari i Grupit Parlamentar të Partisë Socialiste, Taulant Balla tha në një intervistë për Euronews Albania se fjalimi i Edi Ramës në Këshillin e Europës është një rivendosje në vend e dinjitetit dhe imazhit të dëmtuar të shqiptarëve.

Sa i përket deklaratës së Albin Kurtit se nuk ka dëgjuar fjalimin e Ramës, ai tha se fjalimi është dëgjuar nga shumica e shqiptarëve kudo që jetojnë.

“Unë nuk e kam pyetur zotin Kurti pse nuk ka dëgjuar fjalën e Ramës në Strasburg edhe pse jam i sigurt që ajo fjalë është dëgjuar nga shumica dërmuese e shqiptarëve kudo që ata jetojnë. Nuk arrita as ta pyes në kongres, për mua ka rëndësi që qeveritë tona vazhdojnë bashkëpunimin e ngushtë. Në nëntor do kemi mbledhjen e përbashkët të dy qeverive, por në fakt në 27 nëntor do të kemi edhe seancën e përbashkët të dy parlamenteve. Shqiptarët kanë nevojë që për çështje kombëtare duhet të jemi bashkë”, u shpreh Balla.

LEXONI GJITHASHTU:

• ‘Kërkoi solidaritet’, Balla komenton deklaratën e Ramës në PES