Delegacioni i BE në Tiranë: Toka është një botë e gjallë që kërkon kujdes të vazhdueshëm

Delegacioni i Bashkimit Evropian në Tiranë ka publikuar këtë të mërkurë në rrjetet sociale një mesazh ndërgjegjësues mbi rëndësinë e tokës dhe mbrojtjen e saj.

Në postim theksohet se toka nuk është thjesht sipërfaqja mbi të cilën ecim, por një botë e gjallë nën këmbët tona, e mbushur me jetë, procese dhe ekuilibra të padukshëm që ndikojnë drejtpërdrejt në jetën e përditshme.

Sipas mesazhit, kur toka dëmtohet, pasojat prekin të gjitha fushat e jetës, nga prodhimi i ushqimit deri te ekuilibri i natyrës dhe e ardhmja e qëndrueshme e shoqërisë.

“Kur ajo dëmtohet, gjithçka preket: nga ushqimi ynë deri te ekuilibri i natyrës dhe e ardhmja jonë”, thuhet në postim, duke theksuar se kujdesi për tokën nuk është zgjedhje, por domosdoshmëri.

Delegacioni i BE-së nënvizon se mbrojtja e tokës është thelbësore për garantimin e një të ardhmeje të qëndrueshme për brezat që vijnë.