English

Delegacioni i Hamasit do marrë pjesë në negociatat për armëpushimin në Kajro

KOMENTE

SHPERNDAJE
ARTIKULLIN

Text sizeAa Aa

Një delegacion i Hamasit do të jetë nesër në Kajro për të negociuar një armëpushim në Gaza, tha një zyrtar i paidentifikuar për Reuters.

- Advertisement -

Ai shtoi se delegacioni do të diskutojë armëpushimin e propozuar të ofruar nga ndërmjetësit dhe përgjigjen e Izraelit. Të shtunën, një zyrtar i lartë i Hamasit, Khalil al-Haya, tha se grupi po shqyrtonte propozimin e Izraelit, por nuk dha detaje.

Ai vuri në dukje se oferta e armëpushimit të Izraelit ishte në përgjigje të një propozimi nga Hamasi dërguar dy javë më parë. The Guardian thekson se armëpushimi, nëse arrihet, do të paraqitet si një “armëpushim humanitar”.

Hamasi do të lironte pengjet në këmbim të një armëpushimi disajavor dhe lirimin e të burgosurve palestinezë në burgjet izraelite. Bisedimet kanë ngecur për të dyja çështjet kryesore, kërkesat e Hamasit që trupat izraelite të tërhiqen nga Gaza dhe t’i japin fund konfliktit dhe detajet mbi numrin dhe emrat e të burgosurve palestinezë në burgjet izraelite.

Marrëveshja do të lejonte lirimin e 33 civilëve izraelitë në këmbim të një numri të paspecifikuar të burgosurish palestinezë, por marrëveshja nuk përfshin lirimin e ushtarëve. Disa raporte sugjerojnë se Izraeli ka treguar gatishmëri për të bërë lëshime të mëtejshme në të ardhmen, duke përfshirë tërheqjen e forcave që përgjysmuan Rripin e Gazës dhe lejimin e banorëve të kthehen në veri.

Sipas Guardian, negociatat janë intensifikuar midis Izraelit dhe Egjiptit, shteteve mes të cilave u arrit një armëpushim i mëparshëm në Gaza në nëntor, ndërsa Katari ka akuzuar të dyja palët për sabotim të marrëveshjes.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?