Demonstruesit bllokojnë muzeun e Luvrit në Paris

Demonstruesit që protestojnë kundër reformës së pensioneve të presidentit francez Emmanuel Macron bllokuan sot muzeun e Luvrit në Paris.

Sipas Reuters, një numër i vogël demonstruesish që protestonin kundër vendimit për të rritur moshën e pensionit nga 62 në 64 vjeç, bllokuan hyrjen në piramidën e xhamit të Luvrit, duke shkaktuar zemërim tek turistët dhe vizitorët e muzeut.

Mes protestuesve kishte edhe punonjës të muzeut.

Sipas pamjeve të publikuara në rrjetet sociale, dhjetëra protestues kanë thyer barrikadat dhe kanë hyrë në korridoret e muzeut. Disa mbanin me vete flamujt e Konfederatës së Përgjithshme të Punës dhe mediat evropiane raportojnë se disa sindikata u bashkuan me ta.

LEXONI GJITHASHTU:

• Los Anxhelos, pasagjeri hap derën e avionit në ngjitje dhe zbret me rrëshqitje
• Protestat “djegin” Francën, kundërshtohet rritja e moshës së daljes në pension