Protestat ‘djegin’ Francën, kundërshtohet rritja e moshës së daljes në pension

Presidenti francez, Emmanuel Macron dënoi dhunën që shpërtheu në demonstratat e së enjtes dhe tha se nuk do të dorëzohet.

Por ai tha gjithashtu se ishte gati të bisedonte me drejtuesit e sindikatave për disa çështje. Shefi i Elizesë shtoi se  për reformën e pensioneve  pritet vendimi i Këshillit Kushtetues.

Por protestat pritet të vazhdojnë  edhe javën e ardhshme, madje  një vizitë shtetërore në Francë nga Mbreti Charles III i Britanisë është shtyrë.

Për shkak të protestave në qytetet franceze ka patur edhe pasoja. Sipas të dhënave zyrtare janë plagosur 441 policë e xhandarë si dhe janë arresuar 457 persona.

“Unë tregova disponueshmërinë tonë për të ecur përpara në tema të tilla si kushtet e punës dhe shpërblimi në degë të caktuara. Dhe jam në dispozicion të sindikatave të përbashkëta, nëse ata dëshirojnë, ejani dhe më takoni për të bërë përparim në të gjitha këto çështje” u shpreh presidenti Macron.

Ai shtoi shtoi se vendi nuk mund të mbetet në ngërç, për shkak të shumë sfidave me të cilat duhet të përballet. Të premten, forcat e sigurisë bllokuan hyrjen e një rafinerie në Francën veriore, ku disa punonjës  u kërkuan të furnizojnë Ile-de-France me karburant.

LEXONI GJITHASHTU

• Protestat në Francë, policia arreston 457 persona
• Shtyhet vizita e parë zyrtare e Mbretit Charles III në Francë
• Protesta të dhunshme kundër reformës së pensioneve në Francë