Protestat në Francë, policia arreston 457 persona

Më shumë se 1 milion qytetarë në Francë dolën ditën e djeshmë në rrugë për të kundërshtuar reformën që do të rriste gradualisht moshën e pensionimit në 64 vjeç.

Kjo ishte greva e nëntë që nga janari, ku mijëra punëtorë protestuan dhe u larguan nga sektorë të ndryshëm, përfshirë transportin, energjinë dhe arsimin.

Grupet e dhunshme u infiltruan në protestat në Paris, Bordo dhe Lion duke shkaktuar trazira në rrugët e qyteteve franceze.

Ata i vunë flakën kontejnerëve, mbeturinave dhe portave të ndërtesave, hodhën shishe drejt bankave dhe policisë.

Ministri i Brendshëm, Gerald Darmanin, tha sot për mediat e huaja se 457 persona u arrestuan të enjten në mbrëmje në të gjithë Francën.

Ai tha se 441 policë u plagosën ndërsa u regjistruan 933 zjarr.

LEXONI GJITHASHTU: 

• Goxhaj: Asnjë nuk e sheh Alibeajn si kryetar të PD-së, përveç KAS-it dhe gjykatës
• GJKKO ndryshon akuzat për të pandehurit e incenratorit të Fierit