Dëmtohet sinjalistika në Gjirokastër, probleme për orientimin dhe guidat turistike

Në Gjirokastër vazhdon të regjistrohet një numër i lartë turistësh duke e bërë të domosdoshme mirëmbajtjen e sinjalistikës orientuese për vizitorët vendas dhe të huaj.

Përgjatë objekteve “Monument Kulture”, siteve arkeologjike, vlerave natyrore dhe turistike janë të vendosura tabela, të cilat orientojnë vizitorët duke e bërë më të këndshme guidën në qytetin e gurtë dhe rrethinat.

“E domosdoshme është sinjalistika vertikale dhe horizontale me qëllim që turistët vendas dhe të huaj të shkojnë në destinacionin e tyre duke  u informuar jo vetëm nëpërmjet hartave por edhe tabelave, pra është domosdoshmëri e madhe në këtë moment  për të rritur nevojën  e vizitueshmërisë, por edhe për të mbërritur në destinacionet e zhvillimit ekonomik të zonave sidomos të zonave rurale”, thotë Shkëlqim Guçe, specialist i Turizmit dhe Trashëgimisë Kulturore.

Në disa raste këto tabela janë të dëmtuara ndërkohë që mire-orientimi i turistëve e bën të domosdoshme mirëmbajtjen e tyre.

“Rritet nëse sinjalistika për të orientuar destinacionet  turistike apo vendbanimet  e hershme apo  të reja të cilat u shërbejnë këtyre vizitorëve qofshin këta këmbësorë , kalorës apo me motoçikleta edhe në forma të tjera të udhëtimit të tyre  mund të mbërrijnë në destinacion e duhur vetëm nëpërmjet sinjalistikës kudo që të jesh”, shprehet Guçe.

Strukturat e trashëgimisë kulturore kanë përgatitur nja plan masash për ripërtëritjen e sinjaliastikës informuese dhe orientuese për turistët, që përfshin jo vetëm zonën muzeale të Gjirokastrës por edhe rrethinat. Prej fillimit të vitit Gjirokastra është vizituar nga mbi 400 mijë turistë vendas dhe të huaj, duke u kthyer në një prej qendrave kryesore për nxitjen dhe zhvillimin e turizmit në vendin tonë.

LEXONI GJITHASHTU:

• Gjirokastër, automjeti del nga rruga, regjistrohen vetëm dëme materiale
• Baret dhe restorantet të ardhura rekord për vitin 2022 në Shqipëri